Ghazal
Terey baarey mein jab, socha
nahin tha
Mein tanha tha magar, itna nahin tha
Teri tasveer sey karta tha
baatein
Merey kamrey mein ' Aaina ' nahin tha
Mein tanha tha magar, itna nahin tha
Samander ne Mujhey, Pyaasa hi
rakha
Mein jab Sehra mein tha, Pyaasa nahin tha
Mein tanha tha magar, itna nahin tha
Manaaney roothney ke khail mein
Hum,
Bichhar jaaein gey, Yeh socha nahin tha
Mein tanha tha magar, itna nahin tha
Suna bund kar leen, Uss ne
Aankhein
Kai Raaton sey Woh, soya nahin tha
Mein tanha tha magar, itna nahin tha
Hum..... kiya sey KIYA ho ga'ey
Saarey sapney kaheen kho gaey...
Haaey, Hum kiya sey kiya ho gaey
Dil sey tanhaai ka dard jeeta
Kiya kahein, hum pe kiya kiya na beeta
Tum na aaey magar, jo gaey
Haaey , Hum kiya sey kiya ho gaey
Tum ne hum sey kaheen theen jo Baatein,
Unn ko dohraati hain ghum ki Raatein
Tum sey milney ke din kho gaey
Haaey , Hum kiya sey kiya ho gaey
Koi shikwa, na koi gila hai,
Tum sey kab hum ko yeh ghum mila hai
Haan Naseeb apney hi so gaey
Saarey sapney kaheen kho gaey...
Haaey, Hum kiya sey kiya ho gaey
Chhoti si Ghalat Fehmi
(A little misunderstanding
........)
Chhoti si ghalat fehmi
kar de gee Juda hum ko
Halaat na badlein gey....Maaloom na tha hum ko
Rishton ki humein itni Pehchaan na thi pehley
Kehney ko maraasim tou apney thay buhut gehrey
Aansoo ke siwa laiken , kuch bhi na mila hum ko
Halaat na badlein gey, Maaloom na tha hum ko
Uthtey huey Qadmon mein Zanjeer si par jaati
Ahsaas -e-Nidaamat se dehleez pe gar jaati
Aik baar Mohabbat se detey jo sada hum ko
Halaat na badlein gey, Maaloom na tha hum ko
TOOU ( YOU )
Ghum hai ya khushi hai toou
Meri Zindagi hai.... toou
Aafaton ke Dour mein
Chayn ki ghari hai..... toou
Meri raat ka Charaagh
Meri neend bhi hai ....toou
Mein khizaan ki shaam hoon
Rut bahaar ki hai...toou
Doston ke durmiyaan
Wajah-e-Dosti hai ....toou
Meri saari Umer mein
Aik hi Kumi hai....toou
Mein tu woh nahin raha
Haan !!! Magar wohi hai ...toou
Nasir iss Diyaar mein
Kitna Ajnabi hai....toou
Mohabbat Ab Nahin Ho Gee...
Mohabbat ab nahin ho gee ....
Yeh kuch Din baad mein ho gee
Guzar jaaien gey Jub yeh Din
Yeh "Unn" ki yaad mein ho gee
(Munir Niazi)
YAAD AAEY GAA
Kabhi hansna, kabhi
Aansoo bahaana Yaad aaiey gaa
Tumhein woh Pyar ka guzra zamaana Yaad Aeiy Gaa
Tumhein phir yaad aaien gee humari shurmgeen nigaahein
Mera woh"Rooth" kur phir muskurana Yaad
Aeiy Gaa
Chupey gaa Baadalon ki ott mein jub Chaand ka chehra
Dupattey se mera woh "Moonh" chupaana Yaad
Aeiy Gaa
Barhey gee shaam jub aaiey Shafaq ki surkhiyaan le kur
Tu mera woh "Haath" pe Mehndi rachaana Yaad
Aeiy Gaa
Buhut kuch yaad aaiey gaa tumhein meri judaai mein
Khanakti "Chooriyon" ka Gungunaana Yaad
Aeiy Gaa
Jhuka paao gey jub tum kissi nazuk si daali ko
"Haiya" ke bojh se sar ko jhukaana Yaad
Aeiy Gaa
Karakti Bijliyaan maazi ke afsaaney sunaaien gee
Woh darr ke "Baazu'on " mein Kapkapaana Yaad
Aeiy Gaa
Dum-e-Rukhsat ki woh ghariyaan musalsal yaad aaien gee
"Lipatt" kar tum se woh Aansoo Bahaana Yaad
Aeiy Gaa
(Shahana Ailiya )
YAAD HAI...
Chupkey chupkey raat din Aansoo
bahaana yaad hai
hum ko ab tak aashiqi kaa woh zamaana yaad hai
Tujh sey milte hi woh be-baak ho jaana mera
aur tera daanton mein woh ungli dabaana yaad hai
kheench lena woh mera pardey ka kona daf'atan
aur dupattey se tera woh moonh chupaana yaad hai
Jub siwa merey, tumhaaraa koi diwaana na tha
sach kaho kiya tum ko bhi woh kaar-Khaanaa yaad hai
Ghair ki nazaron se bach kar sab ki marzii ke Khilaaf
woh tera chori chupey raaton ko aana yaad hai
aa gaya gar wasl ki shab bhi kahin zikr-e-firaaq
woh tera ro ro ke mujh ko bhi rulaana yaad hai
Do-pehar ki dhoop mein merey bulaaney ke liye
woh tera kothey pe nangey paaon aana yaad hai
chori chori hum se tum aa kar miley thay jiss jagah
muddatein guzreen par ab tak woh thikaana yaad hai
Berukhi ke saath sunaana dard-e-dil ki daastaan
aur tera haathon mein woh kangan ghumaana yaad hai
Waqt-e-rukhsat alvidaa kaa lafz kehnye ke liye
woh tere sookhey Labon ka thar-tharaana yaad hai
(Hasrat Mohaani)
Baat Nikley Gee Tou...
Baat Nikley gee tu
Door talak jaaiey gee
Loug be-wajah Udaasi ka sabab poochein gey
Yeh bhi poochein gey ke
Tum itni parehsaan kiyon ho ?
Ungliyaan uthein gee sookhey huey baalon ki taraf
Aik nazar dekhein gey guzrey huey saalon ki taraf
Chooriyon par bhi kai tanz kiyey jaaien gey
Kaanptey haathon pe bhi Fiqrey kasey jaaien gey
Loug zalim hain........Hur aik baat ka taana dein gey
Baaton baton mein mera zikar bhi le aain gey
Unn ki baton ka zara sa asar mat lena
Warna chehrey ke Ta’assur se samjh jaaien gey
Chahey kuch bhi hon sawalaat na karna unn se
Merey baarey mein koi baat na karna unn se
Baat nikley gee tu phir door talak jaaiey gee
ITNA MAALOOM HAI
Apney bister pe buhut dair se mein neem daraz
Sochti thi ke woh iss waqt kahan par ho gaa?
Mein yahan hoon magar uss koocha-e-rang-o-boo mein…….
Roz ki tarha say woh aaj bhi aya ho gaa
Aur jab uss ne wahan mujh ko naa paya ho gaa...........
He is asking:
Aap ko ilm hay,woh aaj nahin aai hain?
Meri har dost se uss ne yahi poocha hogaa
Kiyoon nahin aai woh? Kiya baat
hui hay aakhir?
Khud iss baat par so baar woh uljha ho gaa
Kal woh aaiey gee tu mein uss se
nahin boloon gaa
Aap hi aap kai baar who rootha ho gaa
Woh nahin hay tu bulandi ka safar
kitna kathin
Seerhiyaan charhtey huey uss ne socha ho gaa
Rahdaari mein, harey lawn
mein,phoolon ke qareeb
Uss ne har simt mujhey aan ke dhoondha ho gaa
Naam bhooley se jo mera kahin aya ho gaa
Ghair mehsoos tareeqey se woh chonka ho gaa
Aik jumley ko kai baar sunaya ho gaa
Baat kartey huey sau baar woh bhoola ho gaa
Yeh jo larki nai(new) aai hai…kahin woh to
nahin?
Uss ne har chehra yahi soch ke dekha ho gaa
Jaan-e-mehfil hai magar aaj faqat
merey baghair
Hai kiss darja wohi bazm mein tanha ho gaa
Kabhi sannaton se wehshat jo hui ho gee ussey
Uss ne besakhta phir mujh ko pukaara ho gaa
Chaltey chaltey koi maanoos si
aahat paakar
Doston ko bhi kissi uzr se roka ho gaa
Yaad kar ke mujhey num ho gai hon gee palkein
aankh mein par gaya kuch keh ke yeh tala ho gaa
aur ghabra ke kitaabon mein jo
lee ho gee panah
har satr mein mera chehra ubher aya ho gaa
jab mili ho gee ussey meri alaalat ki khabar
uss ne aahista se deewar ko thama ho gaa
ittifaqan mujhey uss shaam meri dost mili
mein ne poocha ke ,suno,”aaiey they woh? Kaisey
thay?”
USS ne aik lamhey ko dekha mujhey
aur phir hans dee
uss hansi mein to who talkhi thi ke uss se agey
kiya kaha uss ne..mujhey yaad nahin hai laiken…
itna maaloom hay....................
"khawabon ka bharam toot gaya"
(Parveen Shakir)
AANKHEIN BHEEG
JAATI HAIN
Sumandar mein uturta hoon tu aankhein bheeg jaati hain
Teri aankhon ko parhta hoon tu aankhein bheeg jati hain
Tumhara naam likhney ki ijaazat chin gai jub se
Koi bhi lafz likhta hoon tu aankhein bheeg jati hain
Naa jaaney ho gaya iss qadar hassaas mein kub se
Kissi se baat karta hoon tu aankhein bheeg jati hai
Woh sub guzrey huey lumhaat mujhko yaad atey hain
Tumharey khut jo parhta hoon tu aankhein bheeg jaati hain
Mein saara din buhut masroof rehta hoon magar joonhi !!
Qadam chaukhut pe rakhta hoon tu aankhein bheeg jaati hain
Hazaaron mausumon ki hukmaraani hai merey dil pur
Wasi
mein jub bhi hansta hoon tu aankhein bheeg
jaati hain
(Syed Wasi Shah)
MUQADDER
Mein Woh Larki hoon....
Jissey Pehli Raat , Ghoonghut utha kur koi yeh keh de
Ke Mera sub kuch Tera Hai.....
.......DIL ke Siwa
KAMAAL -E-ZABT ( Height Of Patience)
Kamaal-e-zabt ko
khud bhi tu aazmaaon gee
Mein apney haath se uss ki dulhan sajaaoon gee..
Supard kar ke ussey chandni ke haathoon mein
Mein apney ghar ke andhairon mein laut aaoon gee
Badan ke karb ko woh bhi samajh na paaiey gaa
Mein dil mein rauoon gee,aankhoon mein muskuraaoon gee
Woh kiya gaya keh rifaqat ke saarey lutf gayey
Mein kiss se rooth sakoon gee kisey manaaoon gee
Woh jhoot boley gaa aur lajawaab kardey gaa
Mein sach kahoon gee magar phir bhi haar jaaoon gee
Jawaaz dhoondh raha tha nai mohabbaton ka
Woh keh raha tha ke mein uss ko bhool jaaaoon gee
(Parveen Shakir)
